網上閒閒逛著，讀到這篇文章：

天時暑熱，除飲水外，我們會食多生果補充水份，前幾日買d橙同蘋果返公司，點知一食，d橙酸到死，嬲嬲地想即刻丟左佢，但小丸子高聲叫停：「咪住!」

佢用個大碗裝大半碗溫水，將其餘兩個橙連皮放 水入面， 10 分鐘後，再切開d橙食，嘩！真係甜左喎。我仲將之前食剩0個半個酸橙，放入保鮮袋，然後照辦煮碗，浸溫水 10 分鐘， 半邊橙真係變甜!

我搞緊呢個小小實驗時，發現旁邊切開既蘋果已經變左色，真係睇見都無胃口。點知小丸子又有橋，佢用幾個橙榨汁，用橙汁浸d蘋果 10 分鐘，結果 蘋果又變番白雪雪!

小丸子好威風咁話：「呢d係我祖傳秘方。」我問佢點解，佢停一停，然後話：「唔知喎。」激死！！！

理大應用生物及化學科技學系講師梁潤松後來同我講，理論上，橙有酵素，酵素既溫度稍高環境會更活躍，可以分解橙入面酸性分子，咁橙既果糖就會多過酸性分子，所以會甜d。佢又話，蘋果有鐵質，切開遇空氣會氧化，但橙就有還原型維生素 C ，係天然抗養化物質，所以氧化既蘋果，浸橙汁後，會變回原狀。

剛好買了八個橙，見有如此神奇的酸橙變甜橙辦法，焉能不試？

第一試：

斟過一碗溫水（真的是溫水），像上文所教一樣整個橙放進去，等上了十分鐘，把橙取出來，橙身果真是暖暖的！於是我用三刀開橙法開橙，但當我握著橙身時才發現，橙身還是冰凍的，溫水浸十分鐘，其實僅僅能令橙皮變暖，不能令橙身變暖，繼而令橙變甜。

結論：溫水失敗，文章指引出錯。是否要用沸水呢？明天試。

第二試：

橙已經開了，吃一口後覺得有點酸的，決定拿來再試一試。於是找來一個大碗，斟入比剛才更溫的溫水，把餘下的橙放進保鮮袋再放進去，等了十分鐘，又再趕緊拿出來吃一口……

…………

下……今次買的橙真係幾鬼酸架唧……