記得很久以前從報張上看過專欄作家寫一篇關於某著名足球評術員的廢話。那時候讀過，驚為天人。自覺自己廢話功力不弱，但豈知天外有天，人外有人，實在要甘拜下風。

廢話節錄如下：

• 除非有一隊先入一球, 如果唔係都幾難開到紀錄啦呢場波
• 只要你射得中, 咁你就有機會入啦
  鬼唔知射中就有機會咩？
• 某某球員有3樣野唔好: 第1, 無速度; 第2, 跑得慢; 第3, 唔夠快呀!
  請問有咩分別？
• 十二碼呢家野呢，有兩個可能性，一係入，一係唔入
  仲會有其他可能性架咩？！
• 係今場波邊隊能夠入一”粒”先，果隊就會有優勢
  優勢：意指形勢上較對方優勝，換言之：咁入左一球個隊更係有優勢啦，唔通劣勢咩？
• 呢球波,如果冇龍門就入啦！
• 呢球波一係入…一係龍門救到…一係出界…
• 現代既足球,係將皮球送入網窩裡面既！
  我想問以前足球唔係踢入網架咩？
• 呢球波某某好有機會入波．．．但係無機會起腳．．．
• 某球隊領先2:1︰「領先緊一球就梗係同你死守,守住個勝果」；分數扳平 2:2︰「喇，呢個就係打死守既後果」
• 呢場波贏輸都唔緊要, 最緊要係唔好輸！
  咁夠竟輸贏緊唔緊要丫？